Son aguestes es dues zònes lacustres de major estenuda dera Val d'Aran. Colomèrs compde damb, ath mens, 32 lacs de mès de mieja ectarea, ath delà de nombroses basses. Fòrça mens coneishudi mès egalaments plan polidi son es lacs de Saboredo. Entàs mès preparadi, des d'andues zònes, se pòt connectar damb eth Parc Nacional d'Aigüestortes e Estany de Sant Maurici. Tanben se pòden realizar nombroses ascensions ath Gran Tuc de Colomèrs (2.933 m), Crèu de Colomèrs (2.896 m), Ratèra (2.862 m) o Sendrosa (2.703 m), entre d'autes.